اتصل بنـا | من نحـــن فيسبوك
عناوين الأخبـــار
هدية السيسي للمرأة المصرية في عيدها
رقم العدد
21876
أرشيف المســـــاء
مقالات رياضية
على عبد الهادى
كورنر
على عبد الهادى
محمد بشاري
عامود نور
محمد بشاري
 
واحة الإبداع   
 
اهداء الى روح عبد الرحمن الابنودي رحمة الله عليه
أبنودي
4/23/2015 4:37:31 PM
د.مصطفى سليم
   

مش حودعك
ازاي اودع الكلمة اللي محفورة ف زماني
مش حودعك
ولا الف دمعه ع الاسفلت حتلخص حناني
ده انا لو تشيخ ايامي
وتعدي من قدامي
وينحني عودي
ميموتش ابنودي
يا حفر بارز جوه القلوب
هو اللي زرع الغنا بيموت
******
عدى النهار وانته اللي موالك امل
عمرك ما حسيت بالملل
واكمن آمنه رقوتك
طابت عشانها غنوتك
مدريتش مين قاللي الخبر
مربع سيرة ولا رنة وتر
محتاج اجيلك قعدتك وارتاح
واعدي ع الفلاح
والجندي اللي عند الترعه بيأمن الافراح
وفي آخر السكة القاك يا خال
لافف على كتفك الموال
وبسمتك ماليه المجال
تضحك تجلجل كلمتك
تشرح تلاقي مصر عشق ف غنوتك
عملاق بلون النيل معلم ف الوطن
وانا لو تشيخ ايامي
وتعدي من قدامي
وينحني عودي
ميموتش ابنودي
يا حفر بارز جوه القلوب
هو اللي زرع الغنا بيموت

 
نسخة للطباعة
 
مرات قراءة الموضوع: 3798        عدد التعليقات: 0
تقييم الموضوع : 87%
ممتاز   جيد   ضعيف      
 
 حقوق التأليف والنشر
جميع الحقوق محفوظة لدار التحرير للطبع و النشر © 2012